الحرب لسة مشعللة بين الفنانة جليلة حميد والفنانة شادية الهندى، وطبعا ولاد الحلال من الصحفيين ووسائل الإعلام كل واحد فيهم بذل جهود ومساعيه الغير حميدة لعدم الصلح بينهم واجتهد فى بث بذور الفتنة على اعتبار ان الحرب دى مادة خصبة لمواضيع وتحقيقات صحفية من نار،
ربنا يستر.. بعد اسبوع فى مناسبة فنية مهمة جدا هاتجمع بينهم، المناسبة هيا حفل افتتاح مهرجان السينما الدولى واللى ها يحضره نجوم وفنانين من جميع انحاء العالم، كل نجمة منهم عايزة تكون هيا حدث وحديث حفل الافتتاح وتغطى بحضورها القوى على التانية، طيب ده ها يتحقق ازاى؟؟ مفيش غير النيو لوك، كل نجمة منهم بتظهر فى الحفلات من اكتر من اربعين سنة وشكلها هو هو ومبيتغيرش من أيام ما كانوا صبايا صغيرين ولإنهم مصدقين نفسهم انهم لسة صبايا صغيرين يبقى النيو لوك هو الحل وهو اللى هايرجعهم لسن الخمسة وعشرين ويمسح أكتر من خمسة وعشرين سنة تانيين. ولأن المناسبة دولية وبصفتى مقرب من النجمتين، اقترحت على كل نجمة المواصفات المطلوبة فى النيو لوك الجديد علشان تحقق العالمية وافتيت فى النيو لوك لكل واحدة بانها تاخد من كل بلد لقطة يعنى تطول شعرها تبقى من أمريكا الاتينية أوتلونه وتبقى من هوليود والعين تركب لها عدسات خضرا تبقى من روسيا وتلبس كورسيه ضيق علشان تبقى رفيعة ويبقى عودها فرنساوى وترسم حواجبها و عنيها ضيقة تبقى من الصين وتركب رموش طويلة وتبقى من الهند، يعنى كل واحدة هاتبقى مجمع للأمم المتحدة. ومخبيش عليكم كل واحد قضت الاسبوع اللى قبل الحفلة وهيا بتتفنن ازاى تبقى من خلال النيو لوك الجديد فنانة عالمية وازاى هاتمسح التانية، وبكل حيل وأساليب تنفيذ النيو لوك من اي لاينر ، شادو ، ماش ، سليكون، برونز ، نفخ .....و شفايف كل واحدة أصبحت حاجة تانية خالص وعلشان تحافظ على سرية النيو لوك بتاعها وتهرب من الجواسيس اللى ممكن ينقلوا أخبارها للنجمة التانية كل واحدة اختفت فى بيتها ومنعت الزيارات وزيادة فى الاحتياط والسرية كل واحدة عملت بنصيحتى وحولت فيلتها لحصن منيع يعنى علت سور الفيلا بسلك شائك مكهرب وزرعت كاميرات مراقبة حوالين الفيلا والشوارع المحيطة واستأجرت مجموعة من التيران البشرية اللى بيقولوا عليهم بودى جارد ووزعت عليهم صور الصحفيين والمحررين الفنيين المشتبه فى امرهم لمنع أى واحد منهم يهوب ناحية الفيلا. مطولش عليكم، جه اليوم الموعود يوم حفلة الافتتاح وكل واحدة فيهم ودخلت الحفلة دخول فعلا مميز وأشبه بالدخول الأسطورى، جليلة حميد دخلت بنيو لوك مميز فعلا راسها زى ثمرة الأناناس اللى طالع لها شراشيب ملونة أم عنيها عين مفتوحه والتانية مقفولة اتارى وهيا بتلزق الرموش العيرة زودت فى كمية اللزق فقفل جفونها على بعض وفشلت كل محاولات فتحهم مرة تانية أما جسمها فكان استحالة تقدر تعرف انه جسم واحدة ست بدون ما تعمل قياسات وأبعاد هندسية وكل ده بسبب الكورسيه الضيق وكأن حد مسك صباع موز من النص وضغط عليه بقوة فبقى مفعوص من الوسط وباظظ من فوق وتحت!! ربنا يعينها على ما بلاها.. أما شادية الجندى فدى مصيبتها مصيبة حبت تبتكر فى تسريحة الشعر فقسمت راسها من النص النص اليمين قصته وعملته ألاجارسون والنص الشمال سابته طويل وسايح اما خدودها فتقريبا الراجل اللى عمل النفخ ما نفخش الخدود بالتساوى فطلع خد منفوخ قوى والتانى نص نص وكأنه بالونة مفسية أما عنيها فتم تلوينهم بحدة وكأنها لسة خارجة من ماتش ملاكمة مع بطل العالم أما جسمها بعد عمليات النفخ والشفط اللى تمت فيه أصبح كما لو كان شوال قطن وقع فى السوق وداس عليه كل البشر!!! يعنى كل اللى شافهم استعاذ بالله من الخبث والخبائث وكل المحررين والمصورين اتلموا عليهم وهات يا تصوير للأعجوبتين اللى مش ها يتكرروا تانى. وفجأة انفض الكل من حواليهم بعد ما دخلت النجمة الشابة الفاتننة سلوى فكرى.
ربنا يستر.. بعد اسبوع فى مناسبة فنية مهمة جدا هاتجمع بينهم، المناسبة هيا حفل افتتاح مهرجان السينما الدولى واللى ها يحضره نجوم وفنانين من جميع انحاء العالم، كل نجمة منهم عايزة تكون هيا حدث وحديث حفل الافتتاح وتغطى بحضورها القوى على التانية، طيب ده ها يتحقق ازاى؟؟ مفيش غير النيو لوك، كل نجمة منهم بتظهر فى الحفلات من اكتر من اربعين سنة وشكلها هو هو ومبيتغيرش من أيام ما كانوا صبايا صغيرين ولإنهم مصدقين نفسهم انهم لسة صبايا صغيرين يبقى النيو لوك هو الحل وهو اللى هايرجعهم لسن الخمسة وعشرين ويمسح أكتر من خمسة وعشرين سنة تانيين. ولأن المناسبة دولية وبصفتى مقرب من النجمتين، اقترحت على كل نجمة المواصفات المطلوبة فى النيو لوك الجديد علشان تحقق العالمية وافتيت فى النيو لوك لكل واحدة بانها تاخد من كل بلد لقطة يعنى تطول شعرها تبقى من أمريكا الاتينية أوتلونه وتبقى من هوليود والعين تركب لها عدسات خضرا تبقى من روسيا وتلبس كورسيه ضيق علشان تبقى رفيعة ويبقى عودها فرنساوى وترسم حواجبها و عنيها ضيقة تبقى من الصين وتركب رموش طويلة وتبقى من الهند، يعنى كل واحدة هاتبقى مجمع للأمم المتحدة. ومخبيش عليكم كل واحد قضت الاسبوع اللى قبل الحفلة وهيا بتتفنن ازاى تبقى من خلال النيو لوك الجديد فنانة عالمية وازاى هاتمسح التانية، وبكل حيل وأساليب تنفيذ النيو لوك من اي لاينر ، شادو ، ماش ، سليكون، برونز ، نفخ .....و شفايف كل واحدة أصبحت حاجة تانية خالص وعلشان تحافظ على سرية النيو لوك بتاعها وتهرب من الجواسيس اللى ممكن ينقلوا أخبارها للنجمة التانية كل واحدة اختفت فى بيتها ومنعت الزيارات وزيادة فى الاحتياط والسرية كل واحدة عملت بنصيحتى وحولت فيلتها لحصن منيع يعنى علت سور الفيلا بسلك شائك مكهرب وزرعت كاميرات مراقبة حوالين الفيلا والشوارع المحيطة واستأجرت مجموعة من التيران البشرية اللى بيقولوا عليهم بودى جارد ووزعت عليهم صور الصحفيين والمحررين الفنيين المشتبه فى امرهم لمنع أى واحد منهم يهوب ناحية الفيلا. مطولش عليكم، جه اليوم الموعود يوم حفلة الافتتاح وكل واحدة فيهم ودخلت الحفلة دخول فعلا مميز وأشبه بالدخول الأسطورى، جليلة حميد دخلت بنيو لوك مميز فعلا راسها زى ثمرة الأناناس اللى طالع لها شراشيب ملونة أم عنيها عين مفتوحه والتانية مقفولة اتارى وهيا بتلزق الرموش العيرة زودت فى كمية اللزق فقفل جفونها على بعض وفشلت كل محاولات فتحهم مرة تانية أما جسمها فكان استحالة تقدر تعرف انه جسم واحدة ست بدون ما تعمل قياسات وأبعاد هندسية وكل ده بسبب الكورسيه الضيق وكأن حد مسك صباع موز من النص وضغط عليه بقوة فبقى مفعوص من الوسط وباظظ من فوق وتحت!! ربنا يعينها على ما بلاها.. أما شادية الجندى فدى مصيبتها مصيبة حبت تبتكر فى تسريحة الشعر فقسمت راسها من النص النص اليمين قصته وعملته ألاجارسون والنص الشمال سابته طويل وسايح اما خدودها فتقريبا الراجل اللى عمل النفخ ما نفخش الخدود بالتساوى فطلع خد منفوخ قوى والتانى نص نص وكأنه بالونة مفسية أما عنيها فتم تلوينهم بحدة وكأنها لسة خارجة من ماتش ملاكمة مع بطل العالم أما جسمها بعد عمليات النفخ والشفط اللى تمت فيه أصبح كما لو كان شوال قطن وقع فى السوق وداس عليه كل البشر!!! يعنى كل اللى شافهم استعاذ بالله من الخبث والخبائث وكل المحررين والمصورين اتلموا عليهم وهات يا تصوير للأعجوبتين اللى مش ها يتكرروا تانى. وفجأة انفض الكل من حواليهم بعد ما دخلت النجمة الشابة الفاتننة سلوى فكرى.
